ABŞ-ın mərkəzi Vaşinqton ştatında ilk termonüvə reaktorunun tikintisinə başlanılıb.
Puiblika.az xəbər verir ki, layihə "Microsoft"un dəstəyi ilə "Helion Energy" tərəfindən həyata keçirilir.
“Orion” adlanan reaktorun 50 meqavat gücündə olacağı gözlənilir. 2028-ci ilə qədər o, "Microsoft" məlumat mərkəzlərinə tədarük ediləcək nüvə sintezi vasitəsilə elektrik enerjisi istehsal etməyə başlamalıdır. Artıq şirkətlər elektrik enerjisinin tədarükü ilə bağlı müqavilə imzalayıblar.
"Helion Energy" torpaq sahəsini icarəyə götürüb və lazımi icazələrin alınması prosesinə başlayıb. Tikinti başlamazdan əvvəl şirkət 12 il eksperimentlər aparıb, reaktor prototiplərini hazırlayıb və sınaqdan keçirib. Qeyd olunub ki, "Helion Energy"yə bir sıra şirkətlər tərəfindən 1 milyard dollardan çox sərmayə qoyulub.
