"Barselona" klubunun prezidenti Joan Laporta Kataloniya təmsilçisinin 2025/26 mövsümü üçün əsas hədəflərini açıqlayıb.
90deqiqe.Az xəbər verir ki, klub rəhbəri komandanın uğur qazanacağına inandığını bildirib:
“Komandanı gücləndirmişik və uğur gözləyirik. Ötən mövsüm unudulmaz anlar yaşadıq və ümid edirəm ki, qarşıdakı mövsüm də eyni dərəcədə uğurlu olacaq. Biz bütün titullar uğrunda mübarizə aparacağıq.”
Xatırladaq ki, ötən mövsüm “Barselona” La Liqada Madrid “Real”ını 4 xal qabaqlayaraq çempion olmuşdu. Həmçinin Hans-Dieter Flikin başçılıq etdiyi kollektiv İspaniya Kuboku və Superkubokunun da qalibi olub.
“Barselona” yeni mövsümdə ilk oyununu səfərdə “Malyorka”ya qarşı keçirəcək. Qarşılaşma 16 avqust tarixində baş tutacaq.
