Azərbaycan qazının Suriyaya ixracı ölkədə elektrik böhranını azaldacaq
Türkiyə-Suriya qaz boru kəmərinin istifadəyə verilməsi və onun vasitəsilə Azərbaycan qazının Türkiyə ərazisindən Suriyaya ixracı bu ölkədə elektrik enerjisi böhranını azaldacaq.
Aznews.az xəbər verir ki, bunu Türkiyə-Suriyə qaz boru kəmərinin açılışı mərasimində çıxışı zamanı Qətər İnkişaf Fondunun rəhbəri Fəhad Həməd Əl-Sulaiti bildirib.
Layihənin əsas məqsədi: elektrik böhranının azaldılması
"Bu layihənin məqsədi Suriya Ərəb Respublikasında elektrik böhranını azaltmaqdır", - Fəhad Həməd Əl-Sulaiti qeyd edib.
Gündəlik ötürmə gücü 3,4 milyon kubmetr təşkil edir
Onun sözlərinə görə, layihənin gündəlik ötürmə gücü 3,4 mln. kubmetr təbii qaz təşkil edir ki, bu da illik olaraq 1,2 mlrd. kubmetrə bərabərdir.
