"İnter" "Atalanta"nın futbolçusu Ademola Lukman üçün növbəti dəfə transfer təklifi göndərib.
QOL.az xəbər verir ki, bu barədə insayder Fabritsio Romano məlumat yayıb.
"Atalanta" rəhbərliyi "İnter"in təklifini yenə rədd edib.
"İnter" 27 yaşlı futbolçu üçün 42 milyon avro + 3 milyon bonus ödəməyə hazır olsa da, "Atalanta" bununla razılaşmayıb. Qeyd edilir ki, "Atalanta" transferə görə "İnter"dən ən azı 50 milyon avro almaq istəyir.
Lukmanın klubla hazırkı müqaviləsi 30 iyun 2027-ci ilə qədərdir. Ötən mövsüm Ademola "Atalanta"nın heyətində 40 oyun keçirib, 20 qol vurub və 7 məhsuldar ötürmə verib.
