Tacikistan Turizm Komitəsinin məlumatına görə, 2025-ci ilin yanvar-iyun aylarında Tacikistana 925,7 min xarici vətəndaş səfər edib. Onlardan 762,3 min nəfəri ölkəyə birbaşa turist olaraq gəlib.
Hafta.az-ın yazdığına görə, bu dövr ərzində Tacikistana ən çox turist Özbəkistandan, daha sonra müvafiq olaraq Rusiya və Qırğızıstan gəlib.
"Xarici vətəndaşların səfərlərinə gəldikdə, 925,7 min nəfər və bu, ötən ilin müvafiq dövrü ilə müqayisədə 31,3 faiz çoxdur", - deyə turizm departamentin sədr müavini Rüstəm Xolmatiyon bildirib.
Gələnlərin 850,6 min nəfəri (91,9 faiz) MDB ölkələrinin, 75,1 min nəfəri (8,1 faizi) isə qeyri-MDB ölkələrinin vətəndaşları olub.
Rüstəm Xolmatiyon onu da qeyd edib ki, 2025-ci ilin birinci yarısında Qırğızıstandan ölkəyə turizm məqsədilə 48275 nəfər daxil olub. Ötən il bu rəqəm 2096 olub. Beləliklə, Qırğızıstandan Tacikistana altı ayda turist axınının artımı 22 dəfəni ötüb.
Beləliklə, 2024-cü ildə Tacikistanın ÜDM-də turizmin payı 3,5 faiz təşkil edib.
Tacikistana hər il 186-dan çox ölkədən turistlər gəlir.
“Statistika Agentliyinin məlumatlarına əsasən, Tacikistana gələn hər bir turistin orta xərcləri 300 dollar təşkil edir. Məsələn, 2024-cü ildə Tacikistana 1,4 milyon turist gəlib ki, bu da dövlətə 4 milyard somoni qazandırıb”, - deyə Xolmatiyon müavini bildirib.
Bu sorğu Tacikistanın Beynəlxalq Turizm və Sahibkarlıq Universitetinin Tədqiqat İnstitutu tərəfindən hava limanlarında, dövlət sərhədlərində və turizm agentlikləri vasitəsilə aparılır.
Komitənin məlumatına görə, bu günə kimi turizm sahəsində əməkdaşlığa dair 30 beynəlxalq müqavilə imzalanıb. O cümlədən Birləşmiş Ərəb Əmirlikləri, Şri-Lanka, İordaniya, Özbəkistan, İsveçrə, Türkmənistan, Azərbaycan, İran, Pakistan, Belarus, Qətər, Küveyt, İtaliya, Çin kimi ölkələr və təşkilatlarla, həmçinin ŞƏT və “Diplomatic World” jurnalı ilə.
