Belarus Silahlı Qüvvələrinin Xüsusi Əməliyyat Qüvvələri yeni briqada formalaşdırmağa başlayıb. Bu barədə məlumatı qüvvələrin komandanı general-mayor Vadim Denisyenko açıqlayıb.
Onun sözlərinə görə, yeni briqada Belarusun Ukrayna ilə sərhəddə yerləşən Qomel vilayətində yerləşdiriləcək. Denisyenko bildirib ki, bu qərar ölkənin cənub sərhədində təhlükəsizlik tədbirlərini gücləndirmək məqsədi daşıyır:
“Bu gün ən gərgin və diqqət tələb edən istiqamət məhz cənub sərhədidir. Yeni briqadanın yaradılması bu istiqamətdə fəaliyyətimizi gücləndirəcək.”
Qeyd edək ki, Belarus Ukrayna ilə 1,000 kilometrdən çox sərhədə malikdir və Rusiya ilə sıx hərbi əməkdaşlıq edir. Bu qərar bölgədəki təhlükəsizlik balansına təsir göstərə bilər.
//Samir Qurbanov, Editor.az
