Vyetnamın Dien Bien əyalətində şiddətli yağışların səbəb olduğu daşqınlar nəticəsində 14 nəfər ölüb və ya itkin düşüb.
APA "Reuters"ə istinadən xəbər verir ki, daşqınlar dağlıq ərazilərdə torpaq sürüşmələrinə səbəb olub.
Əyalətin bəzi yerlərində nəqliyyat yolları tutulub və elektrik xətlərinə ziyan dəyib.
Güclü yağışların davam etməsi itkin düşənlərin axtarışını çətinləşdirir.
