Yuxu pozğunluğu onlarla xroniki xəstəlik riskini artıra bilər.
Missiya.Az xəbər verir ki, bu barədə “Science Daily” jurnalında dərc olunan araşdırmada deyilir.
Alimlər müəyyən ediblər ki, qeyri-müntəzəm yuxu rejimi, xüsusilə də gec yatmaq, qaraciyər sirozu, qanqren və qan dövranı xəstəlikləri də daxil olmaqla, 172 xəstəliyin inkişaf riskinin yüksək olması ilə əlaqələndirilir.
"Nəticələrimiz müntəzəm yuxunun lazımınca qiymətləndirilməmiş əhəmiyyətini vurğulayır. Keyfiyyətli yuxunun tərifini genişləndirməyin vaxtı gəldi - bu, təkcə müddətlə bağlı deyil, həm də ardıcıllıqla bağlıdır", - tədqiqatın rəhbəri professor Shengfeng Wang bildirib.
Təhlil göstərdi ki, 92 xəstəlik riskinin 20%-dən çoxu zəif yuxu nizamı ilə əlaqələndirilə bilər. Məsələn, 00:30-dan sonra yuxuya getmək siroz riskini 2,57 dəfə artırır. Sirkadiyalı ritm sabitliyinin azalması isə qanqren riskini 2,61 dəfə artırır.
Ekspert Mariya Molostvova isə yuxu keyfiyyətinin beyin sağlamlığına təsirindən danışıb . O qeyd edib ki, xroniki yuxu pozğunluqları beyin funksiyasına ciddi ziyan vura bilər, o cümlədən ürək-damar və otoimmün xəstəliklər riskini artırır.
Nurlana ƏhmədovaMissiya.Az
