Oxu.az saytından alınan məlumatlara görə, ain.az xəbər verir.
Kamçatkada Klyuçevski vulkanının cənub-qərb yamacı ilə axan lava axını Boqdanoviç buzlağına doğru hərəkət edir.
Oxu.Az-ın xəbərinə görə, bu barədə "Kamçatka vulkanları" təbiət parkları şəbəkəsinin "Telegram" kanalında məlumat verilib.
Qeyd edilib ki, uzunluğu bir kilometrdən çox olan axın yarımadanın ən böyük buzlaqlarından birini əridə bilər. Onun əriməsi isə Studyonaya çayının yatağında sel axınına səbəb ola bilər.
"Telegram" kanalı xatırladıb ki, oxşar vəziyyət 2023-cü ildə də baş verib - o vaxt Klyuçevski vulkanının püskürməsi zamanı onun yamacları boyunca piroklastik axınlar (isti vulkan qazları, kül və qaya parçaları qarışığı) enmişdi və bu da Boqdanoviç və Erman buzlarlarının kəskin əriməsinə səbəb olmuşdu. Nəticədə Suxaya və Studyonaya çaylarının məcrasından laharlar - palçıq axınları enmişdi ki, bu da magistral yolu zədələmişdi.
Qeyd edək ki, vulkan iyulun 30-da elə həmin gün baş verən zəlzələdən sonra oyanıb.
Sonrakı hadisələr barədə daha çox məlumat almaq üçün ain.az saytını izləyin.
