Xəbər verdiyimiz kimi, ABŞ Prezidenti Donald Tramp onlarla ölkəyə idxal rüsumlarının tətbiq edilməsi haqqında sərəncam imzalayıb.
Publika.az xəbər verir ki, Ağ Evin açıqlamasına əsasən bu ölkələr arasında Türkiyə də var.
Məlumata görə, Türkiyə 15 faiz rüsum tətbiqi ilə, tarif artımının ən az olduğu ölkələr sırasında olub.
Açıqlamada Trampın bəzi ölkələr üçün qarşılıqlı tarif dərəcələrinin dəyişdirilməsinin zəruri və məqsədəuyğun olduğunu müəyyən etdiyi qeyd edilib. Trampın imzaladığı fərmana əsasən, ölkələrə 10 faizdən 41 faizə qədər gömrük rüsumları tətbiq olunacaq.
