Rusiya Prezidentinin Təhlükəsizlik Xidməti (SB) pilotsuz uçuş aparatları ilə mübarizə üçün yeni əllə buraxılan silahdan istifadə edir.
Publika.az xəbər verir ki, bu iddia ilə Qərb nəşri “Military Watch Magazine” (MWM) çıxış edib.
"Rusiya prezidenti Vladimir Putinin şəxsi mühafizəçiləri onu müşayiət edərkən yeni sinif pilotsuz təyyarə əleyhinə silahdan istifadə edirlər. Məlumata görə, zabitlərdən biri dövlət başçısının Sankt-Peterburqa səfəri zamanı naməlum sistemi ictimaiyyətdən gizlətməyə çalışıb , baxmayaraq ki, onun ölçüsü bunu çətinləşdirib", - nəşr yazır.
Nəşr qeyd edib ki, silah çox güman ki, dördmotorlu çarpaz konfiqurasiyaya və ilkin olaraq əl ilə idarə olunan, sonra isə termal təsvir və optik təyinat başlığından istifadə edərək hədəfi avtonom şəkildə vurmağa imkan verən ikili sensorlu bələdçi sisteminə malik pilotsuz uçan aparatdır.
