Ukraynanın paytaxtı Kyiv gecə saatlarında növbəti genişmiqyaslı hücumun hədəfinə çevrilib. Rusiya tərəfindən buraxılan 309 dron və 8 qanadlı raketdən 26-sı hədəfə çatıb.
Hücum nəticəsində 9 mərtəbəli yaşayış binasının bir hissəsi çöküb. Dağıntılar altından azı 15 nəfərin meyiti çıxarılıb, 132 nəfər yaralanıb. Ukraynanın Fövqəladə Hallar Xidmətinə görə, həyatını itirənlər arasında 6 yaşlı oğlan uşağı , yaralılar arasında isə 5 aylıq körpə də var.
Bu, Rusiya işğalının başlanğıcından bəri Kyivdə bir gündə ən çox uşağın xəsarət aldığı hücum olub. Xilasedicilər dağıntılar altında qalan insanları axtarmağa davam edir.
Cəbhə bölgələrindən gələn xəbərlər də gərginliyi əks etdirir. Rusiya Müdafiə Nazirliyi bildirib ki, Donetsk vilayətində yerləşən Chasiv Yar şəhəri tam ələ keçirilib. Lakin Ukrayna Prezidenti Volodimir Zelenski bu iddianı rədd edib və bunu “Rusiya dezinformasiyası” adlandırıb.
Prezidentin sözlərinə görə, Donetsk, Sumı və Xarkov istiqamətlərində Ukrayna bölmələri mövqelərini qoruyur və Rusiya ordusunun bütün irəliləmə cəhdləri dəf edilir.
O, Pokrovsk və Dobropillya istiqamətində vəziyyət gərgin olduğunu və işğalçının məhv ediləcəyini bildirib.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
