Belçikanın Zeebrugge limanı — Avropanın avtomobil ixracında ən böyük qovşaqlardan biri. Hər il buradan təxminən 1.8 milyon avtomobil dünya ölkələrinə göndərilir. Hazırda isə bu ixracat ABŞ-ın tətbiq etdiyi yeni idxal tarifləri ilə üz-üzədir.
ABŞ prezidenti Donald Trampın imzaladığı fərmana əsasən, Avropa avtomobillərinə 50 faizədək əlavə rüsum tətbiq edilir. Bu isə həm avtomobil istehsalçılarını, həm də alıcıları çətin seçim qarşısında qoyur.
Zeebruggedə yerləşən “International Car Operators” terminalında Mercedes-Benz, Volkswagen, BMW və digər nəhəng brendlərin 70 minə yaxın yeni avtomobili növbədədir. Ağ əlcəkli sürücülər bu avtomobilləri bir-bir konteyner gəmilərinə sürərək ABŞ-a və digər regionlara yola salırlar.
Trampın ilkin açıqlamasından sonra istehsalçılar təcili şəkildə tarif qüvvəyə minmədən əvvəl göndərişləri artırmağa çalışdı. Lakin artıq “business-as-usual” mərhələsi başlayıb — sadəcə daha yüksək qiymətlərlə.
Avropa Komissiyası rəhbəri Ursula von der Leyenlə Vaşinqton arasında əldə olunan razılaşma qismən sabitlik yaratsa da, Avropa avtomobil sənayesi xəbərdarlıq edir: tariflər qüvvədə qaldıqca, həm ixrac həcmləri, həm də sənaye daxilində məşğulluq risk altındadır.
Avtomobil istehsalçıları bildirirlər ki, istehlakçılar artıq yeni maşın alarkən qiymət fərqini dərhal hiss edirlər. Eyni zamanda, ABŞ bazarındakı satış dinamikası da bu dəyişikliklərdən təsirlənir.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
