Konfrans Liqası: "Sabah"ın rəqibi məlum oldu

"Sabah"ın Konfrans Liqasının 3-cü təsnifat mərhələsindəki rəqibi müəyyənləşib.

"Football-plus.az" xəbər verir ki, bu, Bolqarıstan təmsilçisi "Levski"di.

Sofiya klubu Avropa Liqasının 2-ci təsnifat mərhələsində Portuqaliya "Braqa"sına iki oyunun yekununda uduzub. Hər iki matçın əsas vaxtı qolsuz bərabərliklə yekunlaşıb. Əlavə vaxtda isə "Braqa" Fran Navarranın 104-cü dəqiqədə vurduğu qolla qələbəyə nail olub.

Püşkə əsasən, "Levski" cütün məğlub tərəfi kimi mübarizəni Konfrans Liqasında davam etdirəcək.

"Sabah" ilk oyununu avqustun 7-də səfərdə, cavab görüşünü isə avqusun 14-də evdə keçirəcək.