ABŞ-ın Time jurnalı yazır ki, Donald Trampın yenidən hakimiyyətə qayıdacağı təqdirdə səsləndirə biləcəyi mümkün hədələr Rusiya prezidenti Vladimir Putinin Ukrayna ilə bağlı mövqeyini dəyişməyə kifayət etməyəcək.
Nəşrin qənaətinə görə, Kreml Trampın bəyanatlarını ciddi təhlükə kimi qəbul etmir. Məqalədə vurğulanır ki, Putin Qərbin, o cümlədən ABŞ-ın daxili siyasi parçalanmasından və qeyri-müəyyənliyindən istifadə edərək zaman qazanmağa çalışır. Rusiyanın strateji məqsədləri isə yalnız hərbi yolla deyil, həm də siyasi və iqtisadi vasitələrlə reallaşdırılır.
Jurnal qeyd edir ki, Putin üçün əsas olan Ukraynada qələbə deyil, Qərbi öz daxili problemləri ilə məşğul olmağa məcbur edib Moskvanın tələblərini qəbul etdirməkdir. Bu baxımdan, Trampın ritorikası Kreml üçün daha çox fürsət kimi qiymətləndirilə bilər.
Time həmçinin qeyd edir ki, ABŞ-da prezidentin dəyişməsi qlobal siyasətdə dönüş yaratsa da, Rusiyanın mövcud kursundan imtina etməsi üçün kifayət qədər təsirli faktor sayılmır.
Samir Qurbanov, Editor.az
