Cari ilin ilk altı ayında Türkiyənin ixracatı əsasən dəniz yolu ilə həyata keçirilib.
Newscenter.az Türkiyə Statistika Təşkilatına istinadən bildirir ki, bu dövrdə dəniz yolu ilə 74,5 milyard dollar, quru yolu ilə isə 41,7 milyard dollar dəyərində mal və məhsul ixrac edilib.
Məlumata görə, ixrac yanvar-iyun dövründə keçən ilin eyni dövrünə görə 4,1 faiz artaraq 131,4 milyard dollara çatıb.
Nəqliyyat növlərinə görə, avtomobil nəqliyyatı ixracda ikinci yeri tutur. Yanvar-iyun ayları arasında quru yolu ilə ixrac 41,7 milyard dollara çatıb. Quru yolu ilə ixrac ümumi ixracın 32 faizini təşkil edib. Ötən ilin eyni dövründə bu marşrutla ixrac 41,3 milyard dollara çatıb.
İlin ilk altı ayında hava yolu ilə ixrac ötən ilin eyni dövrü ilə müqayisədə 15 faiz artaraq 13,3 milyard dollara çatıb.
Hesabat dövründə dəmir yolu ilə ixrac 973 milyon dollara çatıb. Digər marşrutlar üzrə ixrac 845 milyon dollar həcmində qiymətləndirilir.
Anar Əliyev
