“Jirona” Madrid “Atletiko”sunun 29 yaşlı fransalı hücumameyilli yarımmüdafiəçisi Toma Lemarı icarə müqaviləsi əsasında heyətinə qatıb.
Arena.az bu barədə İspaniya klubunun mətbuat xidmətinə istinadən məlumat verir.
İcarə müqaviləsin müddəti 2026-cı ilin iyun ayının sonuna qədər qüvvədə olacaq.
Keçid Kataloniya klubuna məccani əsasda başa gəlib. “Jirona” futbolçunun əməkhaqqının yarısını – 50%-ni ödəyəcək.
Toma Lemar “Kan”ın məzunudur. Yarımmüdafiəçi, karyerası ərzində həmçinin “Monako” və Madrid “Atletiko”sunun uğurları üçün çalışıb.
Geridə qalmış mövsümdə Lemar “Atletiko” üçün məhsuldar fəaliyyəti ilə diqqət çəkmədiyi 8 oyun keçirib.
Toma Lemar 2016-cı ilin noyabr ayında debüt etdiyi Fransa yığmasının heyətində 27 oyuna 4 qol və 1 məhsuldar ötürmə ilə fərqlənib.
Toma Lemar “Monako” ilə Fransa çempionluğunu (2016/2017), Madrid “Atletiko”su ilə İspaniya çempionluğunu (2020/2021) və UEFA Super Kubokunu qazanıb (2018/2019), həmçinin Fransa yığması ilə Rusiyada keçirilmiş 2018-ci il dünya çempionatının qalibi olub.
“Transfermarkt” internet-portalı 29 yaşlı fransalı hücumameyilli yarımmüdafiəçinin transfer dəyərini 5 milyon avro məbləğində qiymətləndirir.
