Hərbi ekspert və politoloq İqor Korotçenko Rusiya ilə NATO arasında mümkün qarşıdurma ssenarilərini dəyərləndirib. Onun sözlərinə görə, bu cür münaqişə lokal insidentlə başlaya bilər və bu, dünya üçün ciddi nəticələr doğura bilər.
Ekspert qeyd edib ki, qarşıdurmanın başlanğıcı Baltik dənizi, Polşa sərhədləri və ya Qara dəniz regionu kimi gərginlik ocaqları ola bilər. “Hazırda bu ərazilərdə yüksək hərbi fəallıq müşahidə olunur. Tərəflər arasında səhv hesablamalar və ya təxribat hərbi toqquşmaya səbəb ola bilər”, – deyə Korotçenko bildirib.
Onun fikrincə, bu cür münaqişə qlobal miqyaslı nəticələrə gətirib çıxara bilər: “Əgər Rusiya və NATO arasında birbaşa toqquşma baş verərsə, bu, nüvə silahlarının işə salınması ehtimalını da gündəmə gətirə bilər. Bu isə bəşəriyyət üçün fəlakətlə nəticələnə bilər.”
Ekspert əlavə edib ki, belə ssenarilərin qarşısını almaq üçün tərəflər arasında diplomatik kanalların açıq qalması və müntəzəm danışıqların aparılması vacibdir.
//Samir Qurbanov, Editor.az
