ABŞ prezidenti Donald Tramp Rusiya üçün ultimatum müddətini 50 gündən 10 günə endirmək qərarına gəlib.
NOCOMMENT.az bildirir ki, bu barədə mənbələrə istinadən CNN telekanalı məlumat yayıb.
“Tramp şəxsən [Rusiya] prezidenti Vladimir Putinə qarşı təzyiqi artırmaq qərarına gəlib ki, onun təyin etdiyi 50 günlük müddət istənilən nəticəni vermədi”, – telekanal Ağ Evin anonim rəsmisinə istinadən bildirib.
Mənbələr həmçinin bildiriblər ki, Amerika lideri ultimatum müddətinin qısaldılmasını “yaxşı danışıqlar taktikası” hesab edir.
İyulun 28-də Tramp Rusiyanın Ukrayna ilə bağlı razılığa gəlməsi üçün müddəti 10-12 günə endirmişdi. O, səxavətli olmaq istədiyi üçün əvvəlki müddətin 50 gün olduğunu, lakin administrasiyasının bu məsələdə irəliləyiş görmədiyini qeyd edib.
