Sakit okeanındakı dərin çökəkliklərdə aparılan araşdırmada elm adamları əvvəllər müşahidə olunmamış sualtı canlıları aşkar ediblər.
Sherg.az xəbər verir ki, 8,8 bal gücündə zəlzələ baş verən Kuril-Kamçatka və Aleut çökəkliklərinə edilən insanlı dalışlar zamanı kimyəvi maddələrlə qidalanan, boru qurdu və ağ midyə kimi canlılardan ibarət ekosistemlər kəşf edilib.
Çin alimlərinin 5 800–9 533 metr dərinliyə endikləri bu araşdırma, yüksək təzyiqə uyğunlaşa bilən və kemosintezlə yaşayan orqanizmlərin olduğunu üzə çıxarıb. Kəşfin nəticələri “Nature” jurnalında dərc olunub.
