Bir və ya bir neçə dişin uzun müddət olmaması mədə-bağırsaq traktında (GİT) problemlərə və çənənin formasının dəyişməsinə səbəb ola bilər.
Publika.az xəbər verir ki, bu baradə stomatoloq-ortoped Yuri Kalinin "RİA Novosti"yə danışıb.
Mütəxəssis qeyd edib ki, çənədə dişlərin olmaması səbəbindən çeynəmə yükünün balansı dəyişir, digər dişlər yerdəyişməyə başlayır, onlara daha çox təzyiq edilir, mina daha tez köhnəlməyə məruz qalır.
Kalinin vurğulayıb ki, əgər diş uzun müddət əskik olarsa, dişləmə anomaliyalarının inkişafı və digər dişlərin həddindən artıq yüklənməsi riski artır və sümük toxumasının tədricən atrofiyası baş verir ki, bu da gələcəkdə implantların quraşdırılması imkanlarını xeyli çətinləşdirir.
