“Selta” 23 yaşlı ispan sol cinah hücumçusu Brayan Saraqosanı “Bayern”dən icarə müqaviləsi əsasında heyətinə qatıb.
Arena.az bu barədə “Selta”nın mətbuat xidmətinə istinadən məlumat veirr.
İcarə müqaviləsi 2026-cı ilin iyun ayının sonuna qədər qüvvədə olacaq.
Keçid Viqo təmsilçisinə 1 milyon avro məbləğ müqabilində başa gəlib.
Brayan Saraqosa “Qranada”nın məzunudur. Hücumçu, karyerası ərzində “El-Exido” (icarə), “Bayern” və “Osasuna”da (icarə) çıxış edib.
Geridə qalmış mövsümdə Saraqosa icarə əsasında çıxış etdiyi “Osasuna” üçün 28 oyuna 1 qol və 6 məhsuldar ötürmə ilə fərqlənib.
Brayan Saraqosa 2023-cü ilin oktyabr ayında debüt etdiyi İspaniya yığmasının heyətində 3 oyuna 1 qolla yadda qalıb.
“Transfermarkt” internet-portalı 23 yaşlı ispan sol cinah hücumçusunun transfer dəyərini 12 milyon avro məbləğində qiymətləndirir.
