Finss.az xəbər verir ki, Amerikanın ən böyük motosiklet istehsalçısı Harley-Davidson Inc. 2025-ci ilin ikinci rübündə xalis mənfəətini 2 dəfə, gəlirini isə 19% azaldıb.
Harley-Davidson-un press-relizinə əsasən, şirkətin fəaliyyətinə qeyri-vacib mallar bazarındakı çətin vəziyyət, eləcə də ticarət rüsumları ətrafında qeyri-müəyyənlik mənfi təsir göstərir.
Şirkətin aprel-iyun aylarında xalis mənfəəti ötən ilin eyni dövründəki 218 milyon dollara qarşı 108 milyon dollar təşkil edib. Səhm üzrə mənfəət 1,63 dollardan 0,88 dollara qədər azalıb.
Harley-Davidson-un rüblük gəliri bir il əvvəlki 1,62 milyard dollara qarşı 1,31 milyard dollar təşkil edib.
