Almaniya futbolunun əfsanəsi Bastian Şvaynştayger sevgi qalmaqalının mərkəzinə düşüb.
Publika.az xəbər verir ki, məşhur tennisçi Ana İvanoviçlə səkkiz illik evlilikdən sonra idmançı, deyəsən, həyatında yeni bir səhifə açıb - bolqar fitnes influeneri Silva Kapitanovanın yanında.
Serbiya və Almaniya mətbuatının məlumatına görə , cütlük qeyri-adi bir yerdə - Mayorkada uşaqların məktəbi yaxınlığında tanış olub. Hər ikisinin eyni məktəbdə iki oğlu təhsil alır. Məhz orada, dərslərin bitməsini gözləyərkən aralarında “qığılcım” baş verib.
Vəziyyəti gözlənilməz bir hadisə - şahidlərin dediyinə görə, gərgin keçən Kapitanova ilə İvanoviçin görüşü daha da kəskinləşdirib. Tabloidlər dərhal iki qadının ziddiyyətli imicini yaydılar: atletik İvanoviç açıq-saçıq geyimdə məftunedici fitnes gözəlinə qarşı.
Şvaynştaygerin yeni seçilmişinin “Instagram” hesabı artıq kənar şəxslər üçün bağlıdır və “LinkedIn”də o, özünü "müstəqil sənətçi" kimi təqdim edir. İndi keçmiş futbol ulduzu Kapitanova ilə birlikdə İspaniyada tətildədir.
Bu arada Avstriya mənbələri İsveçrədə Şvaynştayqer və İvanoviç arasında boşanma prosesinin artıq başlandığını iddia edirlər.
Xatırladaq ki, cütlük 2014-cü ildə görüşməyə başlayıb. 2016-cı ilin yayında Ana və Bastianın Venesiyada dəyəri bir milyon avrodan çox olan dəbdəbəli toyu olub. Bu ilin aprelində cütlük ayrılmaq niyyətlərini rəsmən açıqlamışdı.
