B12 vitamini – kobalamin adlanan birləşmələr qrupudur. Toyuq, ət, balıq və süd məhsulları kimi qida mənbələrində təbii şəkildə mövcuddur. Eyni zamanda, ağız yolu ilə qəbul edilən əlavələr şəklində də tapıla bilər.
Pravda.az bildirir ki, bu vitamin qırmızı qan hüceyrələrinin yaranmasında, hüceyrə metabolizmasında, sinir funksiyalarında və hücexarici genetik material olan DNT-nin istehsalında mühüm rol oynayır.
Böyüklər üçün gündəlik tövsiyə edilən B12 miqdarı 2.4 mikroqramdır. Lakin bu vitaminin çatışmazlığı olduqca geniş yayılmış problemdir və əhalinin 5%-dən 40%-ə qədərində rast gəlinə bilər. Xüsusilə yaşlılarda bu göstərici 15-20%-ə qədər yüksəlir.
Vegetarian və ya vegan pəhrizinə üstünlük verənlər, yaşlı şəxslər, hamilə və ya əmizdirən qadınlar, eləcə də həzm sistemi pozğunluğu olanlar B12 vitamini çatışmazlığına daha həssas hesab olunur.
B12 çatışmazlığında müxtəlif klinik əlamətlər ortaya çıxa bilər. Bunlara meqaloblastik anemiya səbəbilə solğunluq və taxikardiya kimi hematoloji dəyişikliklər, unutqanlıq da daxil olmaqla nevroloji pozuntular və yaşlılarda depressiya və demensiya kimi psixiatrik əlamətlər daxildir.
B12 çatışmazlığında hansı nevroloji əlamətlər müşahidə olunur?
Əllərdə və ayaqlarda keyimə və ya iynələnmə
Görmə problemləri
Yaddaş zəifliyi və ya qarışıqlıq
Yerimə və ya danışma çətinliyi
Bu əlamətlər tədricən inkişaf edə və zamanla ağırlaşa bilər. Maraqlısı budur ki, bəzən B12 səviyyəsi aşağı olsa da, heç bir simptom görünməyə bilər. Hətta anemiya əlamətləri olmadan da nevroloji pozuntular baş verə bilər.
Əminə Bayramova
