BAKI, 31 iyul. TELEQRAF
“Rusiya sanksiyalardan yan keçməyi öyrənib, amma ABŞ Prezidenti Donald Tramp ondan enerji alan ölkələri vurmaq üçün yanaşmasını dəyişəcək”.
Teleqraf xəbər verir ki, bunu ABŞ senatoru Lindsi Qrem deyib.
“Prezident Trampın oyunu dəyişdirdiyini və sizin hərbi maşınınızı dəstəkləmək üçün neft-qazınızı alan ölkələrə tariflər tətbiq etmək niyyətində olduğunu dərk etmirsiniz. Sizə tezliklə həmin ölkələrlə əlaqə saxlamağınız lazım ola bilər ki, onlar da bu məsələyə sizin qədər yüngül yanaşırlar, ya yox”, - senator bildirib.
Qrem Rusiyaya qarşı sərt sanksiyalar layihəsinin müəlliflərindən biridir. Təşəbbüsə görə, əgər bir ölkə Rusiyadan yanacaq alarsa və Ukraynaya yardım etməsə, o zaman ABŞ onun məhsullarına 500 faizlik rüsum tətbiq edəcək. Sərt sanksiyaların mümkün namizədləri arasında senator Hindistan və Çinin adını çəkərək, tarifin 100 faiz ola biləcəyini bəyan edib.
