Finss.az xəbər verir ki, Alman lüks avtomobil istehsalçısı Porsche AG 2025-ci ilin birinci yarısında gəlirini, xalis mənfəətini və əməliyyat mənfəətini azaldıb.
Şirkətin yanvar-iyun aylarında xalis mənfəəti bir il əvvəlki 2,15 milyard avrodan 724 milyon avroya, əməliyyat mənfəəti isə 3,06 milyard avrodan 1,01 milyard avroya düşüb. Visible Alpha-nın sorğusuna qatılan analitiklər əməliyyat mənfəətinin orta hesabla 897,7 milyon avro olacağını gözləyirdilər.
Son yarım ildə ABŞ-da idxal rüsumlarının artması ilə əlaqədar əlavə xərclər təxminən 400 milyon avro təşkil edib, eyni zamanda akkumulyator istehsalı planlarında dəyişikliklərlə bağlı xərclər də olub.
Yanvar-iyun aylarında əməliyyat mənfəət marjası bir il əvvəlki 15,7%-dən 5,5%-ə düşüb.
Porsche-nin gəliri 19,46 milyard avrodan 18,16 milyard avroya düşüb. Ekspertlər orta hesabla 17,91 milyard avro proqnozlaşdırıblar.
Ötən yarımildə şirkət 146,4 min avtomobil tədarük edib ki, bu da bir il əvvəlkindən 6,1% azdır. Konsensus tədarüklərin 144,5 minə endirilməsi idi.
