Bakı, 31 iyul, AZƏRTAC
“Qarabağ”ın ötən gün Çempionlar Liqasının II təsnifat mərhələsinin cavab oyununda İrlandiyanın “Şelburn” klubunu məğlub etməsi (1:0) Azərbaycanın UEFA reytinqindəki mövqeyinə təsir edib.
AZƏRTAC UEFA-nın rəsmi saytına istinadən xəbər verir ki, hazırda aktivində 18.375 xal olan ölkəmiz 1 pillə irəliləyərək 28-ci sıraya yüksəlib. Azərbaycan bu nəticə ilə Rusiyanı geridə qoyub.
Müəyyən səbəblərə görə UEFA bayrağı altında keçirilən yarışlardan kənarlaşdırılan Rusiya 18.299 xalla 29-cu pilləyə geriləyib.
Qeyd edək ki, UEFA reytinqinə 94.839 xalla İngiltərə başçılıq edir.
