Dünyanın əksər turistik nöqtələrinə təyyarə ilə nisbətən asanlıqla çatmaq mümkündür. Lakin elə bir yer var ki, hətta ən təcrübəli pilotlar belə ora uçmaqdan çəkinirlər. Bu barədə Britaniyanın Mirror nəşri məlumat yayıb.
54 yaşlı britaniyalı Riçard Uells uzunməsafəli reyslərin keçmiş pilotudur. O, 22 ildən artıq müddətdə Avropa, Asiya və Amerika üzərində uçuşlar həyata keçirib və ümumilikdə 10 min saatdan çox uçuş təcrübəsinə malikdir. Lakin bu qədər təcrübəyə baxmayaraq, onun da heç vaxt uçmaq istəmədiyi bir məkan var.
“Mən dağlıq bölgələrə, ucqar adalara və tropik fırtınalara rəğmən uçuşlar etmişəm. Amma Antarktida? Bu, tamamilə fərqlidir. Orada hava şəraiti xəbərdarlıq etmədən dəyişir, əksər yerlərdə normal eniş zolaqları yoxdur və nəsə baş versə, alternativ çıxış yolu da olmur. Bu, riskə dəyməz”, – deyə Uells bildirib.
//Samir Qurbanov, Editor.az
