Yaponiyada iyulun 21-dən etibarən cəmi bir həftə ərzində 10 804 nəfər günvurma ilə əlaqədar xəstəxanaya yerləşdirilib.
Bakupost.az xəbər verir ki, “The Mainichi” qəzetinin yazdığına görə, ölkə üzrə 914 hava müşahidə məntəqəsindən 318-də temperatur 35°C-dən yüksək olub. 37 nöqtədə isə tarixi rekordlar qeydə alınıb. Belə ki, Mərkəzi Yaponiyada yerləşən Gifu prefekturasında temperatur 39,8°C-ə çatıb.
Yaponiyanın Yanğınlarla və Təbii Fəlakətlərlə Mübarizə Agentliyi bildirib ki, artıq16 nəfər həyatını itirib, 260 nəfərin vəziyyəti isə ağırdır.
Xəstəxanaya yerləşdirilənlərin 55,6%-i 65 yaşdan yuxarı insanlardır.
Sinoptiklər yaxın günlərdə də havanın isti keçəcəyini bildirirlər.
“Cebheinfo.az”
