Ajans.az xəbər verir ki, İran Prezident Administrasiyasının rəsmi saytına görə, Pezşikyan Maduruyla telefon danışığı edib. Görüşdə Pezşikyan İranla bağlı İsrailin hücumlarını açıq və cəsarətlə pislədiyi üçün Venesuelaya təşəkkürünü bildirib. Pezşikyan deyib: “Bizim Venesuela ilə bütün sahələrdə əlaqələrimiz davam edəcək və daha dərin, daha strateji və daha geniş olacaq. Venesuelanın Qərbi Asiya bölgəsində sülhün yayılması istiqamətində konstruktiv təşəbbüslərini məmnuniyyətlə qarşılayırıq.” Venesuela Dövlət Prezidenti Madura isə iki ölkə arasındakı diplomatik münasibətlərin 75-ci ildönümünü qeyd edərək, əməkdaşlığın bütün sahələrdə genişləndirilməsinin vacib olduğunu bildirib. Tərəflər bölgədə sülhün dəstəklənməsi məqsədilə planlaşdırılan zirvə təşəbbüslərini alqışlayıblar və müharibənin sona çatdırılması üçün birgə səylər göstərmək qərarına gəldiklərini vurğulayıblar.
