Reuters-in verdiyi məlumata görə, Almaniya bu sektorun bir neçə şirkətinin irimiqyaslı müdafiə sifarişinə on milyardlarla avro xərcləyəcək.
Buraya 20 Eurofighter qırıcısı, 3000-ə qədər Boxer zirehli maşını və 3500-ə qədər Patria piyada döyüş maşını daxildir. Ölkənin Müdafiə Nazirliyi həmçinin Diehl Defence-dən IRIS-T zenit-raket komplekslərini və Rheinmetall-dan SkyRanger hava hücumundan müdafiə sistemlərini almağı planlaşdırır.
Agentliyin qeyd etdiyi kimi, Almaniya kansleri Fridrix Merz dünyada və xüsusilə Avropada artan hərbi münaqişələri nəzərə alaraq, ölkənin müdafiə qabiliyyətini və ordu gücünü əhəmiyyətli dərəcədə gücləndirməyə çalışır. Cənab Merz artıq hərbi təmirin maliyyələşdirilməsi üçün parlamentdən dəstək alıb, Almaniyanın müdafiə büdcəsi 2026-cı ildə təxminən 83 milyard avroya yüksələcək. Müqayisə üçün: bu il o, 20 milyard avro təşkil edib.
Təkcə Eurofighter qırıcılarının dəyəri, Reuters mənbələrinə görə, 4-5 milyard avro qiymətləndirilir. KNDS və Rheinmetall şirkətlərinin istehsal etdiyi Boxer zirehli maşınları Almaniya büdcəsinə daha 10 milyard avroya başa gələcək. Nəhayət, Patria piyada döyüş maşınının dəyəri təxminən 7 milyard avro olacaq. Zirehli texnikanın tədarükü qarşıdakı on il ərzində planlaşdırılır.
Əziz Mustafa
