“Cenoa” 25 yaşlı norveçli mərkəz müdafiəçisi Leo Estiqoru Fransanın “Renn” klubundan icarə müqaviləsi əsasında heyətinə qatıb.
Arena.az bu barədə “Cenoa”nın mətbuat xidmətinə istinadən məlumat verir.
İcarə müqaviləsi 1 il müddətində – 2026-cı ilin iyun ayının sonuna qədər qüvvədə olacaq.
Futbolçunun icarəsi İtalya klubuna pulsuz başa gəlib, amma müəyyən şərtlərin yerinə yetiriləcəyi halda, futbolçunun sonradan mütləq satın alınması şərti qüvvəyə minə bilər.
Leo Estiqor “Molde”nin məzunudur. Futbolçu, karyerası ərzində “Vikinq” (icarə), “Brayton”, “Sankt-Pauli” (icarə), “Koventri Siti” (icarə), “Stok Siti” (icarə), “Cenoa” (icarə), “Napoli”, “Renn” və “Hoffenhaym” (icarə) çıxış edib.
Geridə qalmış mövsümün birinci yarısında Estiqor “Renn” üçün 18 oyun keçirib və 1 qol vurub, mövsümün ikinci yarısında isə “Hoffenhaym”da məhuslar fəaliyyəti ilə diqqət çəkmədiyi 11 oyun keçirib.
Leo Estiqor 2022-ci ilin mart ayında debüt etdiyi Norveç yığmasının heyətində 31 oyuna 1 qolla fərqlənib.
Estiqorun qənimətlər muzeyində “Napoli” ilə qazandığı İtaliya A Seriyası çempionluğu (2022/2023) var.
“Transfermarkt” internet-portalı 25 yaşlı norveçli mərkəz müdafiəçisinin transfer dəyərini 10 milyon avro məbləğində qiymətləndirir.
