Yer kürəsində dörd adi fəslə daha iki fəsil əlavə edilib.
İnterpress.az xəbər verir ki, bununla bağlı beynəlxalq tədqiqatçılar qrupu xəbərdarlıq edib.
“İnsan fəaliyyətinin yaratdığı iki yeni fəsil artıq qlobal iqlim təqviminə möhkəm daxil olub – duman mövsümü və zibil mövsümü. Bu hadisələr ekosistemləri pozur, milyonlarla insanın sağlamlığını təhdid edir və artıq illik xarakter alıb.
Dumanlı mövsüm hər il iyundan sentyabr ayına qədər Cənub-Şərqi Asiyanı əhatə edir.
Əsas səbəb İndoneziya və Malayziyada kənd təsərrüfatı ehtiyacları üçün tropik torf sahələrinin kütləvi şəkildə yandırılmasıdır. Oxşar hadisələr qışda Hindistanın şimalında qeydə alınır, burada məhsul qalıqlarının yandırılması Divali bayramına təsadüf edir. ABŞ-da əvvəllər yay fəsli ilə məhdudlaşan meşə yanğınları mövsümü indi yazda başlayır və dekabr ayına qədər davam edir”.
