Finss.az xəbər verir ki, Danimarka dərman istehsalçısı Novo Nordisk 2025-ci il üçün gəlir və əməliyyat mənfəəti proqnozlarını aşağı salaraq, səhmlərini 2022-ci ilin fevral səviyyəsinə endirdi.
Şirkət indi gəlirin 8-14%, əməliyyat mənfəətinin isə 10-16% artacağını gözləyir. Əvvəlki proqnozlarda müvafiq olaraq 13-21% və 16-24% artım var idi. Pisləşən proqnozlar həm də Novo Nordisk-in ən populyar dərmanlarının - arıqlamaq üçün Ozempic və Wegovy dərmanlarının gözlənilən satışlarının azalması ilə əlaqədardır.
Bundan əlavə, şirkət avqustun 7-dən etibarən yeni prezident və baş direktor vəzifəsinə Mayk Dustdarın təyin olunduğunu elan edib. O, bu vəzifələrdə Lars Yorgenseni əvəz edəcək.
Dustdar hazırda beynəlxalq əməliyyatlar üzrə icraçı vitse-prezidentdir. Son on ildə onun rəhbərliyi altında şirkətin beynəlxalq gəliri iki dəfədən çox artaraq 2024-cü ildə təqribən 112 milyard DKK-ya (17,32 milyard dollar) çatmışdır. Bölmədə 20,000-ə yaxın işçi çalışır.
Novo Nordisk səhmləri 24% ucuzlaşıb. İlin əvvəlindən şirkətin bazar dəyəri demək olar ki, iki dəfə azalaraq 2 trilyon kron təşkil edib.
