Roma, 30 iyul, AZƏRTAC
İtaliyanın Avellino və Benevento əyalətləri arasında 3,5 bal gücündə zəlzələ baş verib.
AZƏRTAC xəbər verir ki, bu barədə İtaliyanın Geofizika və Vulkanologiya İnstitutu (INGV) məlumat yayıb.
Episentri Bonito şəhərindən 3 kilometr aralıda - İrpiniyada olan yeraltı təkan 17 kilometr dərinlikdə qeydə alınıb. Zəlzələnin episentrinə ən yaxın digər bələdiyyələr Avellino bölgəsindəki Melito İrpino, Qrotaminarda, Mirabella Eklano və Fontanarosa, Benevento bölgəsindəki Apis şəhərləri olub. Dağıntı və insan tələfatı barədə məlumat verilməyib.
Xatırladaq ki, bölgədə 1980-ci ildə güclü zəlzələ baş verib.
Nihad Budaqov
AZƏRTAC-ın xüsusi müxbiri
Roma
