ABŞ prezidenti Donald Tramp Şotlandiya səfərindən sonra Vaşinqtona qayıdarkən təyyarədə mətbuata müraciət edib. Tramp Qəzzada uşaqların aclıqdan öldüyünü, bütün dünyanın buna şahid olduğunu, lakin planlaşdırılan qida paylama məntəqələrinin İsrailin nəzarətində olacağını bildirib.
ABŞ prezidenti Tramp Şotlandiya səfərindən sonra Vaşinqtona qayıdarkən təyyarədə mətbuata müraciət edib.
Həyat yoldaşı Melaniya Trampdan Qəzzada ölən uşaqların fotolarını görüb-görmədiyini soruşduqda Tramp, "O da bunun dəhşətli olduğunu düşünür. O, sizin gördüyünüz eyni şəkilləri, hamımızın gördüyümüz şəkilləri görür. Kimsə dəli olmasa, bu uşaqları görməyə və bunun dəhşətli olduğunu söyləməyə bilməz. Onlar aclıqdan ölən uşaqlardır" söyləyib.
Tramp Qəzzada anaların ağır vəziyyətinə də diqqət çəkərək, "Anaları (Qəzzada) görürsən. Onlar uşaqlarını çox sevirlər, amma deyəsən, əllərindən gələn bir şey yoxdur. Onlara yemək tapmalıdırlar" deyib.
“Qəzzaya ərzaq yardımı üçün 60 milyon dollar göndərəcəyik”
Qəzzada aclıq problemini qəbul edən Tramp Qəzzaya göndərilən yardımın İsrailin nəzarəti altında paylanacağını bildirib.
Qəzzaya ərzaq yardımı üçün 60 milyon dollar göndərəcəklərini ifadə edən Tramp, orada ərzaq yardımının paylanması üçün yeni mərkəzlərin yaradılacağını qeyd edib.
