İyulun 29-da Rusiya ordusu Ukrayna Silahlı Qüvvələrinin Quru Qoşunlarına məxsus təlim bölüklərindən birinin ərazisinə raket zərbəsi endirib.
APA xəbər verir ki, bu barədə "Unian" məlumat yayıb.
Hücum nəticəsində 3 hərbçi həlak olub, daha 18-i yaralanıb. Hadisə yerində operativ xidmətlər fəaliyyət göstərir, yaralılara təcili tibbi yardım göstərilir.
Qeyd olunur ki, hadisənin bütün təfərrüatlarını araşdırmaq məqsədilə Ukrayna Silahlı Qüvvələrinin Hərbi Nizam-İntizam Xidmətinin rəhbəri başda olmaqla xüsusi komissiya yaradılıb və xidməti araşdırma başlanıb.
