Qazaxıstan prezidenti Kasım-Jomart Tokayev Türkiyə prezidenti Rəcəb Tayyib Ərdoğanın Ukraynadakı münaqişənin həlli prosesində mühüm rolunu qeyd edib...
Poliqon xəbər verir ki, Qazaxıstan dövlət başçısının sözləri onun mətbuat xidmətində dərc olunub
“Kasım-Jomart Tokayev Rusiya-Ukrayna münaqişəsinin həllində Rəcəb Tayyib Ərdoğanın xüsusi rolunu qeyd edib”, deyə departamentin açıqlamasında bildirilir.
Qazaxıstan lideri vurğulayıb ki, Qazaxıstan Respublikası bütün dövlətlərin ərazi bütövlüyünün qorunub saxlanılması zərurəti prinsipinə sadiqdir və Türkiyə ilə beynəlxalq arenada əməkdaşlığı davam etdirmək niyyətindədir.
Bir gün əvvəl Ərdoğan Ukraynadakı münaqişənin sona çatmalı olduğunu deyib və gələcək sülh danışıqları üçün platforma verməyə hazır olduğunu bildirib. O əlavə edib ki, Türkiyə ardıcıl olaraq Rusiya və Ukrayna tərəflərinin görüşünün ən yüksək səviyyədə təşkilinə açıq olduğunu nümayiş etdirir.
Poliqon.info
