Avropa İttifaqı İsrailin Qəzza zolağındakı hərəkətlərinə və bölgəyə kifayət qədər humanitar yardımın çatdırılmasını təmin etməməsinə görə bu ölkəyə qarşı sanksiyaların tətbiqini nəzərdən keçirir. Bu barədə Fransa xarici işlər naziri Jan-Noel Barro Səudiyyə Ərəbistanının “Al Arabiya” telekanalına açıqlamasında bildirib.
“Son aylar Qəzzada baş verənlər bizi dərindən sarsıdır. Orada yaşananlar biabırçılıq və rüsvayçılıqdır və buna dərhal son verilməlidir”, – deyə Barronun ərəb dilində sitatı telekanal tərəfindən təqdim olunub.
“Avropa İttifaqı İsrailə qarşı sanksiyaların tətbiqinə səs verməyə hazırlaşır”, – deyə o əlavə edib.
