Müəllif: Tamara Mustafayeva, Banco.az
Hindistan smartfon istehsalında Çinin taxtını silkələyir.
Banco.azxəbər verir ki, “Apple”ın daha çox iPhone-u Hindistanda istehsal etməyə başlamasından sonra bu Cənubi Asiya ölkəsi ABŞ-də satılan ağıllı telefonların ən böyük istehsalçısı kimi Çini geridə qoyub.
“Canalys” şirkətinin məlumatlarına görə, ABŞ-ə göndərilən ağıllı telefonların ən böyük istehsalçısı Hindistan olub və bu ölkə bazarın 44 faizini təşkil edib.
Eyni dövrdə — aprel-iyun ayları arasında — Hindistan ilk dəfə ABŞ-ə ən çox ağıllı telefon göndərən ölkə mövqeyini qazanıb.
Samsung-un istehsalının böyük hissəsinə ev sahibliyi edən Vyetnam isə 30 faizlə ikinci yerdə qərarlaşıb. Çin isə ötən il eyni dövrdə bu bazarda 60 faizdən çox paya sahibkən, bu il həmin göstərici 25 faizə enib.
“Canalys”in tədqiqatçıları bu diqqətçəkən dəyişikliyin əsas səbəblərini belə izah edib:
“Apple”ın Hindistandakı istehsalını artırması;
Ağıllı telefon istehsalçılarının gümrük vergiləri ilə bağlı narahatlıqlar səbəbilə cihaz ehtiyatlarını öncədən toplaması (yəni əvvəlcədən yükləməsi).
Hindistanda istehsal olunan cihazların həcmi ötən ilin eyni dövrü ilə müqayisədə bu ilin son rübündə üç dəfədən çox artıb.
Bizi sosial şəbəkələrdən izləyin!!
