Türkiyədə "uzun bibər" adı ilə tanınan, lakin son illərdə demək olar ki, unudulmuş darülfülfül ədviyyatı çoxsaylı faydaları ilə diqqət çəkir.
E-saglam.az xəbər verir ki, Şərqi Hindistan mənşəli olan darülfülfül yüksək miqdarda vitaminlər və fenol birləşmələri ilə zəngindir. Qış aylarında çay kimi içilməsi tövsiyə edilən bu bitki bədəni isidir, tərləməyi təşviq edir və toksinlərin dəridən çıxmasına kömək edir.
İştah açıcı xüsusiyyəti ilə tanınan darülfülfül bal ilə qarışdırılaraq həm uşaqlarda, həm də böyüklərdə iştahsızlığa qarşı istifadə olunur. Yeməklərə və salatlara qatıldıqda iştahı artırır.
Həzm sisteminə də müsbət təsir göstərən bu ədviyyat çətin həzm olunan qidaların parçalanmasını asanlaşdırır, qaz əmələ gəlməsinin qarşısını alır və mövcud qazların bədəndən xaric olunmasına kömək edir. Mədə şişkinliyinin qarşısını alaraq reflüyə qarşı qoruyucu rol oynayır.
Mədə və bağırsaq infeksiyalarına qarşı təsirli olan darülfülfül sidikqovucu xüsusiyyəti ilə də orqanizmdəki zərərli maddələrin atılmasına şərait yaradır.
Fenol komponentləri sayəsində sinir sisteminə sakitləşdirici təsir göstərir, depressiya və narahatlıq hallarında faydalıdır. Eyni zamanda bədəni enerjiləndirir, ümumi sağlamlığı dəstəkləyir və cinsi gücü artırır.
İnsulin metabolizmasında oynadığı rol səbəbilə şəkər xəstələri üçün də faydalı sayılır. Diabetin bədəndə yaratdığı təsirləri azaltmağa və bərpa prosesinə dəstək olur.
Arıqlamaq istəyənlər üçün də ideal seçimdir. Yağ hüceyrələrinə təsir edərək yağların yanmasını sürətləndirir, termogenik xüsusiyyəti isə bədənin bazal metabolizm sürətini artırır. Darülfülfül çayını pəhriz proqramına əlavə etmək və yeməklərdə istifadə etmək arıqlama prosesini gücləndirə bilər.
Mədə qripi zamanı da faydalı olan bu ədviyyat mədənin tez sağalmasına yardım edir, ürəkbulanmanın və qusmanın qarşısını alır. Bədən istiliyini artıraraq immun sistemini gücləndirir və orqanizmin müdafiə qabiliyyətini yüksəldir.
E-saglam.az
