İsrail ordusunun (İDF) üç döyüşçüsü Qəzzada döyüşləri davam etdirməkdən imtina edib və döyüş mövqelərindən köçürülməsini tələb ediblər.
Yeniavaz.com xəbər verir ki, bu barədə İDF məlumat yayıb.
Bildirilib ki, onları xidmətə yararlı hesab edən hərbi psixoloqla söhbətdən sonra əsgərlər fikrindən dönməyib.
Bundan sonra hərbi məhkəmə onlara intizam tənbehi verib və həbs cəzasına məhkum edib.
Əsgərlərdən birinin anası oğlunun bir illik müharibədən sonra ağır psixoloji durumundan danışıb:
“O, sınıb. Psixoloji yardım əvəzinə həbsxanaya göndərdilər. Uşaqlarımızı mənəvi cəhətdən əzdiniz”.