“Yəqin ki, Ermənistanın başçısı Nikol Paşinyana yaxın və Rusiyada bizneslə məşğul olan bir sıra sahibkarlar təhlükəsizlik qüvvələri ilə problemlə üzləşə bilər”.
“Cebheinfo.az” xəbər verir ki, bu barədə Rusiyanın “ВЧК-ОГПУ” teleqram kanalı məlumat yayıb.
“Mənbənin sözlərinə görə, hazırda oliqarxlar Xaçatur Sukiasyan, Narek Nalbandyan və Manvel Kazaryana münasibətdə qaçaqmalçılıqla məşğul olmaq, vergidən yayınma, etnik mütəşəkkil cinayətkar qruplarla qarşılıqlı əlaqə ilə bağlı tədbirlər davam etdirilir.
Aktivlərin mənşəyinin şübhəli hesab edildiyi ən çox maliyyə intensivliyi olan sahələr erməni spirti və kənd təsərrüfatı məhsulları bazarlarıdır. Üstəlik, ötən ilin iyulunda oxşar hadisələr artıq Ermənistan parlamentinin həmin deputatı Xaçatur Sukiasyana da təsir etmişdi. Həmin vaxt oğurluq və qaçaqmalçılıq yolu ilə brilliantın Ermənistana gətirilməsi ilə məşğul olan cinayətkar qrupun fəaliyyəti dayandırılıb”.
Göründüyü kimi, Rusiya cinayətkarlıq, qaçaqmalıq və kriminal qruplara qarşı mübarizə adı altında Ermənistana qarşı təzyiqləri gücləndirib. Rusiyada erməni kriminal qrupların fəaliyyətinin geniş yayıldığı məlumdur.
Lakin son zamanlar Ermənistana siyasi və iqtisadi təzyiqləri artıran Rusiya hakimiyyəti hüquq-mühafizə orqanları vasitəsilə bir sıra sənaye və kənd təsərrüfatı məhsullarının idxalına maneə yaradır. Bunlar əsasən spirt, konyak, ərik, balıq, kartof və digər məhsullardır. Eyni zamanda, erməni iş adamlarının ölkəsinə pul göndərməsinə əngəl yaradılır.
Bununla da Rusiya Ermənistanda 2026-cı ildə keçiriləcək parlament serçkiləri ərəfəsində iqtisadi vəziyyəti daha da gərginləşdirməyə çalışır.
