Rusiyanın enerji nəhəngi Gazprom 2025-ci ilin ilk yarısında 10,8 milyard rubl (təxminən 131,2 milyon dollar) zərər açıqlayıb.
News24.az xəbər verir ki, şirkətin gəlirləri ötən ilin eyni dövrü ilə müqayisədə 4,2% artsa da, ixracatın azalması zərərin qarşısını ala bilməyib.
2022-ci ildə 1,2 trilyon rubl xalis mənfəət əldə edən Gazprom, ardıcıl ikinci ildir zərərlə üzləşir. 2023-cü ili 629 milyard, 2024-cü ili isə 1 trilyon 76 milyard rubl zərərlə bağlayan şirkət, Avropaya qaz ixracındakı azalmanı kompensasiya etmək üçün Çin və daxili bazara təchizatı artırır, həmçinin LNG (maye təbii qaz) sahəsinə sərmayəni gücləndirir.
Xeyrənsə Piriyeva
