“Təbii ki, seçimi övlada da buraxmaq lazımdır, amma bu da bəzən düzgün qərar olmur. Müəyyən yaş dövründə qərarsızlıqlar, hisslərə qapılaraq verilən qərarlar, bəzən də ailə həyatı qurmaq istəyi xüsusi rol oynayır. Belə hallarda ağıl və məntiqlə hərəkət etmək lazımdır. Amma insanlar bəzən hisslərinə qapılıb ani qərarlar verirlər”.
Psixoloq qeyd edib ki, evlilik uzunmüddətli qərar əsasında formalaşmalıdır: “Burada seçilən insanın xarakteri, psixoloji durumu, ailə tərkibi kimi amillər önəmlidir. Bəzən deyirik ki, ailənin həmin insana nə aidiyyatı var, amma əslində ailə böyük təsir gücünə malikdir. Ona görə də münasibətlərin müəyyən zaman tanıma mərhələsindən keçməsi və bu prosesdə valideynlərin münasibət bildirməsi doğru seçimə kömək edə bilər. Tam sərbəstlik vermək düzgün deyil, eyni zamanda övladın qərarına da hörmətlə yanaşmaq lazımdır. Əsas odur ki, ortaq məxrəc tapılsın”. Sevinc İbrahimzadə / Metbuat.az
