BAKI, 29 iyul. TELEQRAF
Ucar və Tərtər rayonlarında yanğın olub.
Fövqəladə Hallar Nazirliyindən Teıeqraf-a verilən xəbərə görə, Ucar rayonunun Rəstəcə kəndində ümumi sahəsi 40 m² olan birmərtəbəli evin və ona bitişik sahəsi 30 m² olan talvarın yanar konstruksiyaları yanıb.
Yaxınlıqdakı tikilililər yanğından mühafizə olunub. Yanğın yanğından mühafizə bölmələri tərəfindən söndürülüb.
Bundan başqa, Tərtər rayonunun Kəbirli kəndində ümumi sahəsi 100 m² olan köməkçi tikilinin yanar konstruksiyaları 12 m² sahədə və 10 paq.m çəpər yanıb.
Tikilinin qalan hissəsi və ətraf ərazilər yanğından mühafizə olunub.
Yanğın yanğından mühafizə bölmələri tərəfindən söndürülüb.
