“İctimai iştirakçılıq haqqında” Azərbaycan Respublikasının Qanununa, bu Qanunun tətbiqi ilə bağlı Azərbaycan Respublikası Prezidentinin müvafiq Fərmanına, eləcə də Azərbaycan Respublikası Nazirlər Kabinetinin təsdiq etdiyi “İctimai şuranın vətəndaş cəmiyyəti institutları tərəfindən seçilməsinə dair Əsasnamə”yə uyğun olaraq Dövlət Miqrasiya Xidməti yanında İctimai Şuranın (bundan sonra – İctimai Şura) yeni tərkibinin formalaşdırılması məqsədilə 28 iyul 2025-ci il tarixində seçki keçirilib.
Seçkinin təşkili üçün 9 nəfərdən ibarət Seçki Komissiyası yaradılıb, həmçinin seçkilərin keçiriləcəyi barədə ictimaiyyətə əvvəlcədən rəsmi elan verilib. İctimai Şuraya üzv olmaq üçün ümumilikdə 27 nəfərin namizədliyi qeydə alınmışdır.
Seçkinin nəticələrinə əsasən, qanunvericilikdə nəzərdə tutulmuş səs çoxluğunu toplamış 9 namizəd İctimai Şuranın yeni tərkibinə üzv seçilib.
- Fərzəliyev Əli Vələhədoğlu, “Avrasiya Hüquqşünaslar Assosiasiyası” İctimai Birliyi
- Fətullayev Vidadi Bayram oğlu, “Miqrasiya Sahəsinin İnkişafı” İctimai Birliyi
- İbrahimli Şəbnəm Nizami qızı, “Miqrasiya Könüllüsü” İctimai Birliyi
- Kətanov Məmməd Teymur oğlu, Azərbaycan Qızıl Aypara Cəmiyyəti
- Məmmədova Kəmalə Natiq qızı, “Qadınların İnkişafına və Maarifləndirilməsinə Dəstək” İctimai Birliyi
- Musayev Pərviz Kərim oğlu, “Miqrasiya Proseslərinin Monitorinqi və Təhlili” adlı Vətəndaşların Təşəbbüs Qrupu
- Rəhimli Nədimə Aydın qızı, “Vətəndaşların Sosial Rifahı Naminə” İctimai Birliyi
- Şirinov Elçin Vaqif oğlu, İşgəncələrə Qarşı Azərbaycan Komitəsi
- Yaqubova Sima Sədrəddin qızı, “Azərbaycan Hüquqşünasları Konfederasiyası”İctimai Birliyi
Dövlət Miqrasiya Xidməti yanında fəaliyyət göstərən İctimai Şura miqrasiya sahəsinə dair məsələlərin müzakirə olunması, müvafiq təkliflərin hazırlanması, qanun layihələrinin təkmilləşdirilməsi, ictimai rəyin öyrənilməsi və Xidmətin fəaliyyətinə ictimai nəzarətin həyata keçirilməsi istiqamətində fəaliyyət göstərir. “İctimai iştirakçılıq haqqında” Qanuna əsasən, İctimai Şuranın səlahiyyət müddəti iki ildir
