Dünyaca məşhur italyan müğənni-aktrisa Sofi Lorenin oğlu, dirijor Karlo Ponti Jr. evlənib.
Axşam.az xəbər verir ki, 57 yaşlı dirijor özündən 21 yaş kiçik Gürcüstandan olan fitness məşqçisi Məryəm Şarmanaşvili ilə nikah masasına əyləşib.
Toy mərasimi Mtsxetadakı Samtavro monastırında baş tutub. 90 yaşlı S.Loren mərasimdə iştirak etməyib. O, sentyabrda İsveçrənin Cenevrə şəhərində keçirilməsi planlaşdırılan toyun rəsmi hissəsinə qatılmağı planlaşdırır.
Karlo ilə Məryəm sosial şəbəkədə tanış olublar. Görüş zamanı o, Karlonun əslində kim olduğunu bilmirmiş. Məryəmin səkkiz yaşlı oğlu var.
