“Rusiyanın Ukrayna ilə münaqişənin nizamlanması şərtləri Kiyevi NATO-ya cəlb etməkdən imtinanı, alyansın genişlənməsinə son qoymağı və reallıqların yerdə tanınmasını nəzərdə tutur”.
Missiya.Az “TASS”a istinadən xəbər verir ki, bunu Rusiyanın xarici işlər naziri Sergey Lavrov deyib.
O bildirib ki, biz qanuni tələbimizdə, yəni təhlükəsizliyimizi təmin etməkdə israr edirik:
“Ukraynanın NATO-ya qoşulmaması, alyansın ümumiyyətlə genişlənməsinə yol verilməməlidir. O, qəbul edilmiş bütün vədlərə və sənədlərə baxmayaraq, artıq sərhədlərimizə qədər genişlənib. Və təbii ki, Konstitusiyamızda təsbit olunmuş reallıqların tanınması tamamilə mübahisəsiz tələbdir”, - deyə siyasətçi vurğulayıb.
Daşqın HəsənovMissiya.Az
